Aviso do estado dos contadores

 📢AVISO IMPORTANTE

COMUNICADO ÁS PERSOAS USUARIAS DA TRAÍDA DE AUGAS ESCOBEIRO E SAN PEDRO

Pola presente, infórmase a todos os usuarios e usuarias de que membros da Directiva procederon recentemente a revisar o estado dos contadores, detectando numerosas deficiencias e nalgúns casos un alarmante estado de abandono. 

En primeiro lugar chamamos a atención para o feito de que os usuarios deben manter os contadores en correcto estado de funcionamento e a tapa visible para efectuar as lecturas correspondentes. En segundo lugar comunicamos que ante a situación detectada, procedeuse a elaborar unha relación detallada dos contadores con anomalías/deficiencias.

En virtude do anterior, esta Xunta de Goberno notificará de xeito individual a cada titular a natureza das avarías advertidas, así como as medidas correctoras que resulten preceptivas para a súa emenda.

Cómpre lembrar que, consonte o disposto no artigo 35, punto 3, apartado f) dos vixentes Estatutos/Regulamento, cualifícase como infracción grave o incumprimento da obriga de facer efectivos os gastos de reparación do contador ou de calquera dos seus accesorios que afecten o consumo normal. Así mesmo, ao abeiro do apartado e) do devandito precepto, constitúe tamén unha infracción grave a rotura dos precintos do dispositivo de medición.

No suposto de que sexa necesaria a substitución do contador, a persoa usuaria deberá comunicalo previamente a esta Xunta de Goberno co obxecto de que dita actuación se realice en presenza dos membros da directiva autorizados.

Lembramos tamén a obrigación de que calquera avaría/fuga nas instalacións particulares dos usuarios/as debe ser comunicada a esta Xunta de Goberno, previamente a calquera reparación.

Agradecemos de antemán a vosa colaboración.

A Xunta de Goberno